Pablo Rodríguez Alonso
A través d’esta investigación, que desde lo local quier ufrir una visión xeneral d’aquellos años convulsos, pueden seguise pasu por pasu los diferentes discursos que desde Voluntad fueron asoleyándose ente 1938 y 1946, y cómo n’ellos quixeron pasar de ser totalitarios a «demócratas».
- De la «no beligerancia a la neutralidá»: el franquismo y la II Guerra Mundial. Fascismu, naizismu y franuismu. L’ayuda nazi y fascista na Guerra Civil.- El réximen franquista na Segunda Guerra Mundial.
- Voluntad: la voz ortodoxa del falanxismu xixonés. El falanxismu n’Asturies.- Voluntad: el diariu del falanxismu xixonés.- Los amigos: alemanes, italianos, portugueses… …Y los enemigos d’España.- «En Gijón hay todavía muchos marxistas…»: la represión como respuesta.
- Enantes de la tormenta: la Europa prebélica. Austria, Checoslovaquia y Dantzig.- La xustificación de la política represiva nazi.
- La Segunda Guerra Mundial al traviés de Voluntad. De Varsovia a Paris: la Blitzkrieg arrasa Europa (setiembre de 1939-mayu de 1941).- Nuevos frentes: la Unión Soviética y EE.UU. entren en guerra (xunu de 1941-xineru de 1943).- De la rendición en Stalingrado al desembarcu en Normandía: el principiu del fin (febreru 1943-xunu 1944).- El final de la velea (xunetu de 1944-mayu de 1945.- L’aislamientu d’España: el «comunismu internacional» contra la «democracia» española.
El autor
PABL
O RODRÍGUEZ ALONSO (Xixón,1979) ye llicenciáu n’Historia pola Universidá d’Uviéu. Profesor interín de Xeografía y Historia en Secundaria y Bachiller, trabayótamién como Assistant de langue nel Lycée Marguerite de Valois d’Angoulême y nel Institut Universitarie de Formation des Maîtres de la Universidá de Poitiers (Francia). Tien publicao los artículos «El nacionalismo bretón desde 1945 a la actualidad» na obra recopilatoria de les I Jornadas de Historia Contemporánea y «La nacionalización llingüística nos Estaos-nación: l’exemplu español» nel llibru Teoría e historia de los nacionalismos contemporáneos, dambos editaos pola Facultá d’Historia de la universidá asturiana.
Acceso al blog del autor: Memoria d’un silenciu
=====================================================================
ISBN: 978-84-938361-3-9
PVP: 23 euros
Medidas: 24 x 16
Páginas: 204
Encuadernación: Rústica, cosida
Fecha de publicación: abril 2011
Comprar De totalitarios a «demócrates»
=====================================================================
Rodríguez Alonso: “Nun primer momentu, Voluntad posicionóse del llau del exe”
Xunu 8, 2011 por Pablo R. Guardado
L’historiador Pablo Rodríguez Alonso presentó nel Centru Municipal Integráu d’El Llano la so obra ‘De totalitarios a «demócrates»’. Nella fai un repasu al discursu ellaboráu nel diariu xixonés Voluntad na primer etapa del franquismu.En concreto, Rodríguez Alonso céntrase nos conteníos d’esti periódicu llocal “órganu d’espresión oficial del partíu únicu (FE-JONS), hermanu xixonés de La Nueva España (Uviéu) y fíu d’Arriba” nel periodu que va del 1938 a 1946, según esplica l’autor d’esta obra que tien el nome completu de ‘De totalitarios a «demócrates». Franquismu, fascismu y nazismu na II Guerra Mundial al traviés del diariu xixonés Voluntad’. La intención del historiador xixonés ye facer un análisis de los conteníos apecíos nel periódicu centrándose na editorial y columnes d’opinión, “pero teniendo en cuenta lo global”. “Nun ye namái recopilar lo que se dixo, sinón esplicar por qué se dixo”, añadió.
Según esplica l’historiador, Voluntad yera “una voz ortodoxa del franquismu”. Dicía lo que quería dicir el rexime nesi mesmu momentu, lo que lleva a Rodríguez Alonso a estudiar la evolución d’esi mensaxe según se desarrollen los acontencimientos de la Segunda Guerra Mundial. D’esta forma, divide’l so trabayu en cuatro partes: la rellación del franquismu con otros réximes totalitarios, una descripción del nacimientu del falanxismu n’Asturies, un análisis de los acontecimientos previos de la Segunda Guerra Mundial y una esplicación del discursu de Voluntad y la so evolución.
Nesi sen, Rodríguez Alonso asegura que “nun primer momentu, Voluntad posiciónase del llau del exe”, una postura que foi reforzándose nos tres primeros años hasta que, nel 1943, les potencies aliaes principien a ganar la guerra. Ye nesi momentu cuando les páxines del periódicu xixonés dexa pa prau les crítiques a les democracies lliberales hasta’l puntu de llegar a tratar el conflictu bélicu “como una llucha ente la civilización y el comunismu y non ente’l fascismu y la democracia”. Na época última d’estudiu, sobre’l 1945, el franquismu entama a eloxar les virtúes de la so democracia orgánica y a mirar hacia los Estaos Xuníos y Reinu Xuníu.
Nel actu de presentación d’esti trabayu ganador del XII Premiu d’investigación histórica Rosario de Acuña, l’historiador xixonés tuvo acompañáu d’otros dos historiadores: Faustino Zapico, profesor de Xeografía y Historia del IES Bernaldo de Quirós (Mieres), y Macrino Fernández, de Zahorí Ediciones. Na so intervención, Zapico destacó la obra por ser “interesante y especialmente oportuna polo que ta pasando nos medios de comunicación dende hai unos díes”, en referencia clara a la polémica pol Diccionario Biográfico Español editáu pola Real Academia de la Historia. “Ye un intentu de canonización del franquismu y dalgún qu’otru personaxe; un procesu de blanqueamientu de la so figura”, señaló.
Al respeuto, Zapico considera sorprendente “negar el calter totalitariu del franquismu cuando’l propiu franquismu dicía que yera totalitariu”. Mentes, Rodríguez Alonso, que tamién trató d’esti tema na so intervención, calificó’l Diccionario como “un panfletu filofascista no que se refier al sieglu XX” y llamentó que “toos paguemos colos nuesos impuestos los desvaríos de xente como Luis Suárez o Gonzalo Anes mientres hai investigadores mozos en situación precaria”.
No que se refier al llibru, el profesor mierense destacó que “ye una obra importante en sí mesma por lo bien fecha que ta, lo bien escrita y el trabayu de dedicación llaboriosa que tien detrás”. Amás, considera que ye un llibru valiosu “pa la divulgación histórica en llingua asturiana y pa sacar a l’asturianu del guetu nel que ta”. “Hai que llevar l’asturianu al nuesu ámbitu de trabayu”, animó Zapico a los presentes.
Mentes, Fernández, que fixo’l llabor de presentador, señaló que’l trabayu de Rodríguez Alonso ye’l primeru de los 15 que tien espublizaos Zahorí Ediciones n’asturianu y anunció “que nun va ser l’únicu”, yá qu’hai en marcha un proyeutu na nuesa llingua que va asoleyar esta editorial.
==========================================================================
Rodríguez Alonso: "La identificación del primer franquismu col totalitarismu nazi ye absoluta"
La hestoria del franquismu protagoniza la Entrevista de la selmana con motivu de la llegada a les llibreríes del últimu ensayu de Pablo Rodríguez Alonso.
Inaciu Galán  |
| Pablo Rodríguez Alonso |
-El rellatu del ensayu entama na fin de la Guerra y col ñacimientu del diariu Voluntad, como exemplu, ¿por qué esti mediu, yera especialmente representantivu?
-Ye representativu porque ye la voz oficial del falanxismu en Xixón. Pertenez a lo que se llamó la “prensa del movimiento”, nesti sentíu, el so llabor adoctrinador y de socialización de la población xixonesa nel franquismu yera claru. Amás, como yera d’esperar, Voluntad ye ortodoxu dafechu, nun se salía una coma de la doctrina oficial. Interesábame saber qué mensaxes se mandaben a la población, cómo se mandaben y por qué se dicía lo que se dicía en cada momentu.
-La obra sigue falando de la collaboración ente’l franquismu y el réxime nazi alemán, ¿yera esto en realidá un secretu a voces na época?
-Nesta collaboración habría que distinguir ente una “comunión ideolóxica” y una ayuda material. Nel primer casu, la identificación del primer franquismu col totalitarismu nazi ye absoluta. La defensa del nacionalsocialismu alemán en toles sos facetes ye una constante, dende la política racial hasta la económica. Cuando nel trescursu de la II Guerra Mundial los campos de batalla van dictando la derrota final del Exe, el discursu cambiará, más nes formes que nel fondu.
En cuantes a l’ayuda material, ye fundamental la de l’Alemania nazi y la Italia fascista pal trunfu de Franco na Guerra Civil. En grandes cifres, l’ayuda alemana foi principalmente al traviés de la lexón Cóndor, cuerpu de la Luftwaffe destináu a España. En total 16.800 alemanes sirvieron nel conflictu español. Mientres, los italianos contribuyeron con cerca de 80.000 militares, 759 aviones, 6.600 cañones y ametralladores, 157 tanques y 7.400 vehículos, too con un coste de 8.500.000.000 lires.
Na II Guerra Mundial, Franco devolvería parte del favor cola División Azul, facilitando l’espionaxe alemán en suelu español, col unvíu de mano d’obra, o con esportaciones de wolframiu, fundamental pa la industria armamentística nazi. Algunes d’estes coses yeren más o menos secretes, otres yeren abondo conocíes y publicitaes.
-El “Movimiento”, sabedor de la so importancia estratéxica, crea medios de comunicación, como ye’l casu de Voluntad o La Nueva España, ¿ye’l franquismu un réxime que sabe utilizar los medios?
-Tolos rexímenes dictatoriales lo primero que busquen ye domesticar a la so población, acabar cola opinión pública. L’entramáu de periódicos y radios del Movimientu cumplió un llabor fundamental nel adoctrinamientu de la sociedá. El franquismu nun va tolerar nengún mediu que se salga de los parámetros estrictos que surden del Ministerio de Información. Súpolos utilizar, pero enxamás tuvieron un mensaxe integrador o superador del conflictu civil, polo que mientres cuarenta años siguieron recordando a los derrotaos que lo yeren y que merecieron selo. En consecuencia, el rechazu d’una bona parte de la población siguió mui vivu. Los únicos medios llibres yeren los clandestinos.
-¿Cómo ye la llinia que va siguiendo’l diariu Voluntad nesi camín qu’anuncia’l llibru «de totalitarios a “demócrates”»?
-Nos primeros años, desde 1937 hasta 1942-43, ye de sofitu al totalitarismu fascista y nazi, y de despreciu a les democracies lliberales y por supuestu a la URSS. Hai una reivindicación permanente de los supuestos llogros del fascismu y el nazismu: progresu económicu, paz social, arguyu nacional etc, frente a les “decadentes” democracies occidentales, incapaces de resolver los graves problemes sociales y económicos producíos pola Gran Depresión, y tamién frente a la Unión Soviética, que ye calificada como totalitarismu materialista, atéu y xudaizante. Al empar, los mensaxes contra “rojos, masones y judíos” son constantes y de gran virulencia.
Pero como dicía enantes, l’avance aliáu hasta la derrota final del Exe va facer que l’emponderamientu del totalitarismu desapaezca y pase a identificase al franquismu como una especie de democracia “a la española”, una “democracia orgánica”. Ye un intentu vanu por cuantes que les auténtiques democracies nun-y dan nenguna credibilidá a esi cambiu de discursu.
Tamién desapaecen los mensaxes antixudíos, porque tres conocese l’holocaustu nun yera políticamente conveniente insistir nel discursu antisemita. Lo único que nun cambió foi l’ataque constante hacia la URSS.
 |
| Cubierta del llibru de Rodríguez Alonso |
-Sí, enforma tres el desembarcu de los alios en Normandía y la lliberación de Francia. Sicasí, anque hai graves sanciones per parte de la ONU nel añu 1946 hacia España, hasta onde sabemos en nengún momentu los aliaos se plantegaron seriamente lliberar España. La razón d’ello espresola mui crudamente un altu funcionariu británicu nuna comunicación privada en xunu de 1946: “odioso como es su régimen, el hecho sigue siendo que Franco no representa una amenaza para nadie fuera de España. Sin embargo, una guerra civil en España generaría problemas en todas las democracias occidentales, que es lo que desean el Gobierno soviético y sus satélites”.
-El so llibru, ¿ye un estudiu pa espertos o una obra divulgativa que pue lleer cualesquier persona?
-Partiendo de que se trata d’una investigación histórica, y que como tal pretendí facela emplegando la metodoloxía propia de la disciplina, tamién intenté da-y una forma narrativa que resultara interesante y que nun se ficiere pesada pal llector. Espero tenelo conseguío.
-El Rosario Acuña ganáronlu mui poques vegaes obres n’asturianu, ¿sigue siendo más difícil facese con premios optando a ellos con obres n’asturianu?
-Espero que non. Pero supongo que dependerá del xuráu. Nel mio casu, y foi una de les coses que más me prestó, dixéronme qu’al lleer la investigación nun repararon nel idioma nel que taba escrita, que foi secundario dafechu. Y naide me preguntó por qué taba escrita n’asturianu, lo cual dame a entender que delles coses van poco a poco viéndose como naturales, lo que ye una satisfacción.
-¿Vais facer más presentaciones del llibru?
-El llibru presentóse’l pasáu miércoles 11 de mayu nel Antiguu Institutu de Xixón. Sicasí, toi pendiente de facer otra presentación, anque tovía nun tenemos la fecha esacta [ver nota al final].
-Acaba d’estrenar blogue “Memoria d’un silenciu”, ¿qué vamos atopar los llectores nél?
-Pues fundamentalmente reflexones, espero que dalgunes d’elles interesantes. Tengo 31 años, llevo participando na vida cultural y política asturiana d’una o otra manera bastantes años, y anque tovía me queden munchísimes coses por deprender, paezme que yá tengo esperiencia suficiente como pa dir asoleyando delles opiniones y sobre too intercambiando pareceres con otres persones. La bono de la rede ye que s’almite la réplica, y ta bien qu’a veces te digan que nun tienes razón. Ye bastante sano.
-¿En qué otros proyectos trabaya?
-Pues nun sé que dicite, porque soi bastante reaciu a falar de proyectos, tengo mieu a que diga dalgo y dempués quede en nada. Digamos que toi trabayando en delles coses, enforma na investigación y ensayu, y espero terminar dalguna d’elles dalgún día.
-¿Sigue trabayando la lliteratura de ficción?
- De vez en cuando sigo escribiendo dalgún relatu, anque agora toi centrándome no que te dixi enantes. Nunca abandono nin la narrativa nin la poesía, pero a veces pasen a un segundu planu.
Nota. Como ya apuntaba el autor en la entrevista, habrá nueva presentación. Será el próximo miércoles 8 de junio, a las 19´30 horas, en el Centro Municipal de El Llano. En el acto, además del autor, intervendrá Faustino Zapico, profesor de Geografía e Historia del Instituto Bernaldo de Quirós.
===================================================================
XII Premio de investigación y divulgación "Rosario Acuña"
Pablo Rodríguez Alonso
Ganador del apartado de temática de Gijón
«De la lectura de ´Voluntad´ me sorprendió el clima pronazi del Gijón oficial»
«El franquismo cambia su discurso sobre todo a partir de 1943, cuando los alemanes pierden en Stalingrado»
J. M. CEINOS
Pablo Rodríguez Alonso (Gijón, 1979), licenciado en Historia por la Universidad de Oviedo, es el ganador del XII Premio de investigación y divulgación «Rosario de Acuña» en el apartado de temática de Gijón. En su obra, escrita en asturiano y titulada «De totalitarios a demócrates», analiza, a través de las páginas del diario gijonés «Voluntad», el cambio que experimentó el régimen franquista antes y durante la Segunda Guerra Mundial con respecto a los bandos en conflicto.-¿Qué motivo le llevó a desarrollar esta historia?
-Estaba buscando información para otro trabajo sobre el tratamiento de los movimientos regionalistas, nacionalistas y de las lenguas en distintos medios de comunicación, entre ellos «Voluntad», y al empezar a leer ejemplares del periódico me percaté, sobre todo al revisar los ejemplares de los años 1938, 1939 y 1940, del discurso tan marcadamente pronazi y profascista de «Voluntad». Me sorprendió que fuera un discurso muy marcado en su intensidad, no en el sentido del discurso, que era el del régimen. A partir de ahí fui mirando todos los ejemplares hasta diciembre de 1946, que es cuando finaliza el estudio.
-Un estudio en el que concluye el giro del régimen desde un primer planteamiento de pleno apoyo a Alemania, a Italia y a Japón para pasar, a mediados de la Segunda Guerra Mundial, a inclinarse por el bando aliado, pero manteniendo siempre como gran enemigo a la Unión Soviética...
-Efectivamente, aunque el poso prototalitario lo tiene siempre, pero lo oculta. Al final lo único que no cambia es que el gran demonio sigue siendo la Unión Soviética, eso no cambia a lo largo de toda la guerra. Pero si al principio se denigra a las democracias, sobre todo a Francia, al Reino Unido y a los Estados Unidos, relacionándolas con el judaísmo internacional, con un discurso muy antisemita, antimasónico también, luego, poco a poco va cambiando, y al final, sorprendentemente, entre comillas, España, desde «Voluntad», se reclama como una democracia orgánica, en una línea discursiva del franquismo que, efectivamente cambia, sobre todo, a partir de 1943, cuando ya los alemanes son expulsados del norte de África y pierden la batalla de Stalingrado.
-¿Qué fue lo que más le llamó la atención de la lectura de «Voluntad» de aquellos años en lo tocante a Gijón?
-Me sorprendió el clima pronazi del Gijón oficial, que hay que distinguirlo del Gijón popular, que seguía siendo, evidentemente, de izquierdas. Paulino Vigón, el primer alcalde franquista de la ciudad, acababa algún discurso con el «Heil Hitler», pidiendo que se colgasen banderas con las cruces gamadas o homenajeando a aviadores de la Legión Cóndor. El Gijón oficial era muy profascista y también otra cosa que me llamó la atención fue que una vez «liberado» Gijón desde «Voluntad», el órgano de la Falange, se siguió incentivando la represión; en ningún momento hay un atisbo de relajar el nivel de represión sobre la población vencida, al contrario, incita a continuarla.
0 comentarios:
Publicar un comentario en la entrada